هلاااا ياب
وصلنه ليوم النهاية يوم التخرج من تحدي_29_يوم ...
من اول ما بلشت كان هدفي هو تعلم تصميم المواقع الالكترونية واتعلم اكثر من تقنية ولغة برمجية تدخل بمجال الويب Front-end + Back-end واشتغل مشاريع وارفعهن على الانترنت وكانت عندي فكرة بتصميم موقع الكتروني عبارة عن منتدى لطلاب قسمي نستطيع التواصل من خلاله مع جامعات عربية او العالمية
بلشت بداية التحدي بكل قوة وعزيمة وشغف وخليت خطة محكمة ومعدة بشكل مدروس معدل الساعات يوميا الي خصصته لتطوير مهارتي بهل التحدي كانت 10 ساعات يوميا واحيانا اقضي اليوم كله بالدراسة والتطوير لكن الايام الاخيرة من التحدي تحديدا اخر اسبوعين بلشت عدنه الامتحانات النهائية بالجامعة وهذا الشي كلش اعاقني لان الفاينل يحتاجه وقت ودراسة اكثر من بقية الايام العادية بالجامعة فبدت تقل عندي عدد الساعات تدريجيا المخصصة للتحدي وبدة تركيزي يقل قليلا تجاه التحدي
بهل التحدي حققت اشياء كلش عظيمة وكل فخور بنفسي لان حققته منهه تصميم قوالب ويب على نظام Wordpress وتصميم مدونة لصديقي مهندس مجتبى وبعد افكار اخرى كان افضلهه هو موقع مشابه لكليتنه بشكل بسيط و صفحة ويب لعرض صور وبيهه معلومات التواصل
التحدي هذا علمني اشياء حلوة منهه الاهتمام وتقدير الوقت والتخطيط الصحيح بغض النظر عن جو المنافسة الي مليء بالحماس والاثارة وهل الشي خلاني جدا راضي عن نفسي بالاشياء الي حققتهه وصلتلهه خلال فترة قصيرة
التزامي بالخطة واجتهادي المتواصل خلال التحدي ابد ما شعرت باشياء غريبة او خارج الخطة او هفوات لان خطتي كلش محكمة
طبعا هاي الاشياء خلال التحدي الي حققتهه والجهد الي بذلته والاصرار والعزيمة الي كنت امتلكهه بداية التحدي حقيقة اختلفت اختلاف جذري عن الايام الاخيرة بالتحدي لان مثل ما ذكرت بالبداية بسبب الامتحانات النهائية بالجامعة حلتني اقلل من اهتمامي تجاه التحدي لان التحدي بأي وقت اكدر اسوي واذا اخفقت اكدر ارجع ابدي من جديد واعوض لكن دراستي ومستقبلي كان اهم فلذلك قررت اقلل اتمامي تجاه التحدي لحين انتهاء الفاينل وبعدهه ارجع اكمل التحدي وية نفسي واثبت لنفسي واحقق المشروع الي كان ببالي في بداية التحدي ان شاء الله اسوي واحقق كلشي خططتله
اجمل شي بكل تحدي هو الاستمرار اهم من الوقت واهم من الخبرة والعلمية الي تكسبهه لان شنو الفايدة اذا تتحدى نفسك خلال فترة وبعدهه تترك التحدي اهم شي هو الاستمرار تتعلم من اخطائك وتخلي الفشل قاعدة لأنطلاقك للمرحلة القادمة
اخر شي احب اذكره هو الشكر اشكر نفسي واشكر التحدي واشكر كلشي بحياتي وما انسة اشكركل شخص وكفلي وقدملي مساعدة ومنهم ست مروة جواد وست امنه الي درسني بالجامعة وكان الهن الفضل الكبير بنائي وتشجيعي على الاستمرار والمواصلة بالتحدي وبالجامعة .
حسابي Instagram
ليست هناك تعليقات:
إرسال تعليق